MINISTRI LEKAJ PRITI AMBASADORIN E SHQIPËRISË NË KOSOVË, QEMAJL MINXHOZI

26/10/2017 Institucionet

Ministri i Infrastrukturës, Pal Lekaj me bashkëpunëtorë, priti ambasadorin e Shqipërisë në vendin tonë, Qemajl Minxhozi, i cili e përgëzoi ministrin Lekaj për pozitën e re dhe me të cilin biseduan për çështje që u përkasin dhe janë në interes të të dy vendeve.

Gjatë bisedës, ambasadori Minxhozi kërkoi nga ministri Lekaj, që me rastin e mbajtjes së mbledhjes së përbashkët të qeverive të të dy vendeve, të kërkojë që të riaktualizohet çështja e portit të Durrësit, si çështje e interesit të madh për Shqipërinë dhe për Kosovën, aq më parë kur dihet se 75 për qind e mallrave që vijnë nga jashtë dhe që kanë për destinacion Kosovën, kalojnë nëpër portin e Durrësit.

Gjatë bisedës u potencua edhe çështja e rregullimit të rrugëve në zonën e Hasit, që lidhin fshatrat e të dy anëve të kufirit, në mënyrë që të mundësohet qasja më e lehtë në Prizren dhe në qendrat tjera.

Ministri Lekaj tha se ne jemi të fokusuar që në raportet tona të ndërsjella të mos ekzistojë asnjë pengesë dhe se pala kosovare do t’i marrë mbi vete të gjitha obligimet që i takojnë.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara