Ministri Mustafa prezantoi politikat bujqësore para delegacionit të Ambasadës së SHBA-së

27/02/2020 Institucionet

Ministri i Bujqësisë, Pylltarisë dhe Zhvillimit Rural, Besian Mustafa, ka pritur në takim një delegacion nga Ambasada e Shteteve të Bashkuara të Amerikës në Prishtinë, të udhëhequr nga Dillon Green, zyrtar ekonomik dhe komercial, të cilët i ka njoftuar me zhvillimet e përgjithshme në sektorin e bujqësisë në vend. Me këtë rast, ministri Mustafa i ka njoftuar ata për investimet në këtë sektor dhe me disa nga prioritetet e ministrisë në politikat bujqësore për këtë mandat. Gjatë këtij takimi, është diskutuar edhe për Vitin Ndërkombëtar të Shëndetit të Bimëve dhe aktiviteteve përcjellëse për shënimin e kësaj dite, me ç’rast ministria është ftuar për të marrë pjesë edhe në konferencën që shënohet në kuadër të këtij aktiviteti në Washington. Ministri Mustafa ka shprehur falënderim për mbështetjen që Shtetet e Bashkuara të Amerikës i ka dhënë në vazhdimësi Kosovës për zhvillimin e sektorëve të ndryshëm, duke përfshirë edhe atë të bujqësisë. Në anën tjetër, Dillon Green, nga Ambasada e Amerikës në Prishtinë, është shprehur i gatshëm për të bashkëpunuar për proceset zhvillimore në sektorin e bujqësisë, në fushat specifike të cilat do kordinohen në takimet e ardhshme.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara