Ministri Reçica raporton para komisionit për të Drejtat e Njeriut, Barazi Gjinore për Persona të Pagjetur dhe Peticione

12/07/2018 Institucionet

Të mërkurën ministri i Punës dhe Mirëqenies Sociale Skender Reçica në mbledhjen e Komisionit për të Drejtat e Njeriut, Barazi Gjinore, për Persona të Pagjetur dhe Peticione, i ka informuar deputetët rreth gjendjes ekzistuese të të rinjve dhe të miturve të cilët punojnë në sektorin privat, rreth mekanizmave për parandalimin dhe eliminimin e punëve të rënda të fëmijëve dhe përpjekjeve që po bënë MPMS për mbrojtjen e fëmijëve nga punët e rënda. Ligji aktual i Punës lejon lidhjen e marrëdhënies së punës nga mosha 15 deri 18 vjeç, në ato aktivitete që nuk janë të dëmshme për zhvillimin dhe shëndetin e fëmijëve. Po ashtu ministri Reçica ju ka përgjigj pyetjeve të deputetëve për fëmijët që kërkojnë lëmoshë në rrugë, sigurisë dhe shëndetit në punë, aksidenteve dhe vdekjeve në vendin e punës, konkretisht rreth rastit të fundit të vdekjes në vendin e punës të një personi të moshës 17 vjeçare në Prizren. MPMS është e përkushtuar në zbatimin e legjislacionit mbi parandalimin e punëve të rënda të fëmijëve dhe në rritjen e mirëqenies së fëmijëve të të gjitha kategorive, si dhe në rritjen e sigurisë dhe shëndetit në vendin e punës tha ministri Reçica.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara