Ministri Shala merr vendim për ndalimin e shitjes së mjeteve piroteknike për të miturit

11/12/2018 Institucionet

Ministri i Tregtisë dhe Industrisë, Endrit Shala, ka lëshuar një urdhëresë për Trupat Koordinuese për mbikëqyrjen e tregut që ndalon shitjen e mjeteve piroteknike për personat nën moshën 18 vjeç. Shala ka thënë se me këtë urdhëresë e obligon Inspektoratin e Tregut që t’i kontrollojnë operatorët ekonomikë, me këtë rast t’i verifikojnë nëse janë të licencuar dhe plotësojnë kriteret për tregti dhe furnizim me produkte piroteknike. “Sot kam urdhëruar Trupën Koordinuese për mbikëqyrjen e tregut, që kryesohet nga Ministria e Tregtisë dhe Industrisë, që t’i koordinojë aktivitetet me organet përgjegjëse për mbikëqyrjen e tregut për kontrollimin e operatorëve ekonomikë të cilët merren me tregtinë dhe shitjen e mjeteve piroteknike. Po ashtu, me këtë urdhëresë kam obliguar Inspektoratin e Tregut dhe inspektorët kompetentë për siguri publike që t’i kontrollojnë operatorët ekonomikë, me këtë rast t’i verifikojnë nëse janë të licencuar dhe plotësojnë kriteret për tregti dhe furnizim me produkte piroteknike”, ka thënë ministri Shala. Shala ka theksuar se ka urdhëruar që të ndalohet shitja apo tregtimi i këtyre produkteve piroteknike për të gjithë personat jo kompetent dhe personat nën moshën 18 vjeçare. “Ne po punojmë çdo ditë që të mbrojmë konsumatorin tonë, t’iu rrimë afër dhe ta kontrollojmë cilësinë produkteve në treg dhe tregun në përgjithësi duke mos lejuar dhe parandaluar çdo lloj fatkeqësie që mund t’i ndodhë qytetarit tonë. Ne jemi në vëzhgim të tregut edhe kur vjen puna te produktet piroteknike që kanë shkaktuar jo pak dëme nëpër vite. Andaj, ju bëj thirrje operatorëve ekonomikë që ta respektojnë këtë urdhëresë, pasi një mos respekt ndaj kësaj urdhërese nënkupton gjoba. Ne nuk jemi të interesuar të gjobisim, por të bashkëpunojmë në kontrollin  e tregut dhe sidomos në kontrollin e cilësisë”, ka thënë ministri Shala.

Kontrolloni gjithashtu

Kuvendi i Komunës së Malishevës mbajti mbledhjen e parë të rregullt për vitin 2026

Kuvendi i Komunës së Malishevës mbajti mbledhjen e parë të rregullt të për vitin 2026. Në …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara