Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Drejtësisë, Albulena Haxhiu, është ftuar nga Prokuroria Speciale që të dëshmojë lidhur me rastin e Astrit Deharit. Ajo ka sqaruar se thirrja për t u paraqitur në Prokurori është bazuar në një status të saj të postuar në rrjete sociale në përvjetorin e ndarjes nga jeta të Astrit Deharit. Zonja Haxhiu ka shkruar se Prokurori Special, Afrim Shefkiu, ka kërkuar nga unë që të përgjigjem se kush janë vrasësit e Astrit Deharit! Ajo ka thënë se një prokuror duhet ta dijë se Ministri i Drejtësisë nuk mund të jetë prokuror e as gjyqtar. Unë nuk mund t’i marrë përgjegjësitë e tij. Lëndën e Astrit Deharit, prokurori Afrim Shefkiu e ka që nga viti 2019 dhe ende nuk ka asnjë rezultat në zbardhjen e këtij rasti. Ai është përgjegjës për t’i treguar familjes dhe qytetarëve se kush janë vrasësit. Megjithatë, ministrja e Drejtësisë, Albulenë Haxhiu ka thënë se do ta japë dëshminë e saj lidhur me këtë rast.
