Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi Komunal i Skenderajt, i kryesuar nga kryesuesja Adelina Spahiu, ku ka marrë pjesë kryetari Fadil Nura, drejtorët komunalë dhe anëtarët e Kuvendit, ka mbajtur sot mbledhjen e rregullt në të cilën si pikë kryesore ka qenë buxheti për vitin 2024, që është 18,582,310.00 euro. Para se të kalohej në pikat e rendit të ditës, me kërkesën e kryesueses Spahiu, Kuvendi ka nderuar me një minutë heshtje eprorin e Policisë së Kosovës, Afrim Bunjaku, i cili u vra nga grupet terroriste serbe në veriun e Kosovës. Më pas seanca ka vazhduar me pikat e rendit të ditës, ku kryetari Nura, gjatë diskutimeve të anëtarëve të Kuvendit, ka thënë se buxheti i propozuar për vitin e ardhshëm do të jetë një buxhet gjithëpërfshirës, me orientim zhvillimor për komunën e Skenderajt, dhe ku përfshihen të gjitha fushat që bien në përgjegjësinë e pushteti lokal. Në kuadër të rendit të ditës, janë miratuar edhe pikat tjera; propozim-vendimi për rregullimin e ndarjeve buxhetore nga një ndarje në një ndarje tjetër; propozim-vendimi për ngritjen e planit të të hyrave për vitin 2023; si dhe pika shtesë propozim-vendimi për miratim të organogramit të Komunës së Skenderajt.
