Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Misioni i Shteteve të Bashkuara në NATO ka shprehur urimet e tij për Ditën e Pavarësisë së Shqipërisë, duke theksuar aleancën e fortë dhe partneritetin e qëndrueshëm ndërmjet dy vendeve. Në urimin zyrtar, misioni amerikan ka përfshirë edhe një mesazh në gjuhën shqipe, duke nënvizuar respektin dhe afërsinë me shqiptarët. “Gëzuar Ditën e Pavarësisë! Ne festojmë pavarësinë, qëndrueshmërinë dhe kontributet e vazhdueshme të vendit tuaj ndaj Aleancës sonë. Jemi krenarë të qëndrojmë përkrah jush si partnerë të besueshëm dhe miq në NATO. Urime!”, thuhet në njoftimin e tyre. Me këtë urim, SHBA riafirmon mbështetjen ndaj Shqipërisë dhe rolin e saj të rëndësishëm në sigurinë e përbashkët euroatlantike.
