Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Myftiu i Kosovës, Naim Tërnava ka dhënë mesazhin me rastin e festës së Fitër Bajramit. Ai tha se nga muaji i Ramazanit besimtarët do të dalin më të dëlirë, më human e më të afërt me njëri-tjetri. Porositë e muajit të Ramazanit duhet të shoqërojnë besimtarët edhe në muajt e tjerë. Tërnava u shpreh se sonte në kohën e iftarit, besimtarët myslimanë mbyllin agjërimin e muajit të Ramazanit, gjatë të cilit, siç tha, me përkushtim, bindje e devotshmëri, besimtarët kryen një nga kushtet themelore të besimit islam. Jemi të sigurtë se nga muaji i Ramazanit besimtarët do të dalin më të dëlirë, më human e më të afërt me njëri-tjetrin, më solidarë e më të fisnikëruar. Dashtë Zoti që vendi ynë me angazhimin tonë të bëhet vend ku jetohet e punohet me dinjitet. Vëllezër dhe motra, në këtë natë të madhe, në vigjilje të festës së Fitër Bajramit, lusim Zotin për mirësi, begati, paqe, harmoni, larg zënakve e konflikteve, sherreve e egove të dynjasë. Duke iu uruar e përgëzuar, lutem që në familjet tona festa e Fitër Bajramit të na sjellë ngrohtësi, dashuri, harmoni e lumturi. Agjërim, lutje e ibadete të pranuara!”, shtoi ai. Muaji më i rëndësishëm i besimtarëve islamë, Ramazani përfundon sonte, më 20 prill 2023. Dita e parë e festës së Fitër Bajramit është të premten, më 21 prill.
