Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke iu referuar Ditës së Mësuesit, 7 Marsit, Lëvizje Vetëvendosje përmes një vështrimi u rikthehet problemeve me të cilat përballet sot arsimi në Kosovë. Në një prononcim lidhur me këtë datë, deputeti i Vetëvendosjes Mytaher Haskuka ka deklaruar se tani kanë kaluar 129 vite nga ajo kohë dhe shkolla shqipe ka rënë sërish në një grumbull problemesh shumë të mëdha. Tekstet shkollore, përmbajtja e tyre në Kosove është në nivel shumë më të ulët se sa kapacitetet e shoqërisë sonë dhe kombit tonë. Tekstet shkollore në Kosovë janë përgatitur për një periudhe 3 mujore para më shumë se një dekade. Librat shkollorë janë qenësor edhe për ta përmirësuar lexim-shkrimin. Ministria e Arsimit, Shkencës dhe Teknologjisë i shpërndan falas në Kosovë librat shkollorë për 270,000 nxënësit e klasave 1-9 në Kosovë”, tha deputeti Mytaher Haskuka, duke theksuar se këto tekste vijojnë të jenë me pasaktësi të forta shkencore; me varfëri referencash; me skizma dhe paragjykime gjinore; si dhe të palidhura me plan-programin e ri të Kosovës, atë të vitit 2011, të cilën e ka pranuar me përshtatje edhe Shqipëria.
