Nasim Haradinaj para Kuvendit, fton deputetët të nënshkruajnë “letër-betim” kundër padrejtësive të Gjykatës Speciale

Nasim Haradinaj, ish-nënkryetar i OVL-UÇK, është paraqitur sot para Kuvendit të Kosovës, në ditëne seancës konstituive. Ai u ka shpërnda deputetëve një “letër-betim”, përmes së cilës kërkon angazhimin e tyre për të adresuar padrejtësitë që, sipas tij, po ndodhin në procesin gjyqësor ndaj krerëve të UÇK-së, në Gjykatën Speciale në Hagë. Letra, e cila përfshin zotimin për miratimin e një rezolute në Kuvend, tashmë është nënshkruar nga disa deputetë të PDK-së, përfshirë Abelard Tahirin, Uran Ismailin, Ferat Shalën dhe Sala Jasharin. Në tekstin e saj, theksohet nevoja për një verdikt të drejtë dhe të paanshëm për ish-krerët e UÇK-së, si dhe dënimi i padrejtësive që, sipas Nasim Haradinajt, kanë ndodhur deri më tani.