Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Është ndarë nga jeta nëna e heroit te Kombit, dëshmorit Fatos Krasniqi, shoqja e mësuesit Sherif Krasniqi, ish nën-kryetar i komunës së Drenasi, kryetar i SHV-së, dhe ish i burgosur politik. Lajmin e ka bërë të ditur vet z. Krasniqi përmes një postimi në rrjetin social. “Iku bashkëshortja ime! Pas 56 viteve që rrugëtuam së bashku, po ja që vdekja është e pa mëshirshme! Iku nëna e tre bijve, nëna e heroit të kombit, dëshmorit Fatos Krasniqi. Çiltërsia, fisnikëria, humaniteti dhe solidariteti i saj për ata që i shihte në nevojë dhe që kishin nevojë për t’i ndihmuar. Mana, nuk kursente asgjë dhe as mundin e vet. Të gjitha virtytet që duhet t’i këtë një njeri i posedonte. Ishte edukatore e jashtëzakonshme, por ishte edhe shumë e fortë shpirtërisht. I përballonte burrërisht edhe ato problemet më të dhimbshme. Për të shkruar dhe folur për Manën duhet shumë e shumë ishte shumë meritore dhe e gjerë. Mana, pusho e qetë dhe i lehtë të qoftë dheu i tokës dardane. Varrimi do të bëhet në orën 13:00 më 26 nëntor në fshatin Negroc në varrezat e lagjes së togjeve. Njoftohen të gjithë të interesuarit dhe ata që kanë dëshirë të marrin pjesë në varrim së varrimin do e bëjmë vetëm familja e ngushtë për shkak të situatës së pandemisë”, ka njoftuar Sherif Krasniqi.
