Me rastin e 21 vjetorit të rënies heroike të dëshmorit të kombit, Vezir Ademaj kryetari i Kosovës, Hashim Thaçi i ka dorëzuar familjes se tij dekoratën me Urdhrin Hero i Kosovës. “Me rastin e 21 vjetorit të rënies heroike në altarin e lirisë së Atdheut, të vëllait tonë të dashur, Vezir Ademaj – ”Alfredi”. Sot u mbushen 21 vjet nga rënia juaj heroike, për lirinë e shtrenjtë të Atdheut, i dashur vëlla Vezir. Njëzet e një vite krenari, dhimbje, dashuri dhe mall për ty. Por mbi të gjitha ishe dhe do të mbetesh krenaria jonë, sepse ti u sakrifikove për këtë ditë që po e gëzojmë ne sot. Për këtë liri të shtetit të Kosovës, të cilin shtet po e ndërtojmë me shumë sakrifica. Në këtë përvjetor, ne jemi më krenarë se kurrë, sepse vepra dhe sakrifica e Juaj sublime asnjëherë nuk u harrua, por vetëm sa u përforcua edhe më shumë si kujtim, si mirënjohje dhe si nderim. Madhështia dhe kuptimësia e veprës suaj u lartësua akoma më shumë sot në këtë ditë përkujtimi e nderimi, kur Presidenti i Republikës sonë, z. Hashim Thaçi, me urdhër te veçantë e protokoll presidencial, të dekoroj me mirënjohjen më të lartë shtetërore presidenciale “HEROI i KOSOVËS”, ka shkruar ndër të tjera Hasan Ademaj vëllai i dëshmorit Vezir Ademaj.
![Në 21 vjetorin e rënies heroike të dëshmorit të kombit, Vezir Ademaj, dekorohet me Urdhrin Hero i Kosovës](https://www.radiokosovaelire.com/wp-content/uploads/67702541_2593682493999860_7322053168114696192_n-660x330.jpg)