Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në debatin e sotëm në Kuvend kanë folur kryesisht deputetët e opozitës, të cilët kanë akuzuar rëndë, kryeministrin e ri të Qeverisë së Kosovës, Albin Kurti dhe koalicionin qeveritar. Tri partitë opozitare, PDK-ja, AAK-ja dhe Nisma nuk kanë kursyer asnjë fjalë për ta sulmuar koalicionin dhe fjalën e paraqitjes së kryeministrit Albin Kurti. Ata kanë pasur vërejtje sidomos në premtimet që i paraqiti ai në Kuvend duke konsideruar se ato nuk do të mund të realizohen, madje as në një përqindje të vogël. Shumica e deputetëve të opozitës ka përdorur një gjuhë armiqësore, madje edhe fyese e diskredituese, duke i përkujtuar Kurtit të gjitha veprimet gjatë kohës sa ishte në opozitë. Lidhur me këtë gjuhë tejet të vrazhdë ka reaguar edhe deputeti i LDK-së, i cili u ka përkujtuar deputetëve se në raste të tilla e të ngjashme pozita ka ndërprerë punimet por ai ka propozuar një pushim për të vazhduara seanca me debatin e deputetëve.
