leoni

Në Malishevë shënohet 1 Qershori-Dita e Fëmijëve

Përmes aktiviteteve të ndryshme, në Komunën e Malishevës, është shënuar Dita Ndërkombëtare e Fëmijëve. Krahas këtyre aktiviteteve, edhe Drejtoria për Arsim dhe Edukim, në bashkëpunim me institucionet shkollore, ka organizuar një program për fëmijë, në parkun e qytetit në Malishevë, ku fëmijët po i shfaqin talentet e tyre, përmes paraqitjeve të ndryshme, e që lidhen me 1 Qershorin-Ditën e Fëmijëve. Në hapje të këtij programi, drejtori komunal për arsim në Malishevë, Avdi Morina, i ka përshëndetur të gjithë fëmijët e Komunës së Malishevës dhe i ka uruar me rastin e 1 Qershorit. “Jo vetëm që e kemi obligim, por do të bëjmë të pamundurën, që të investojmë në ardhmërinë e fëmijëve, për krijim të kushteve sa më të mira në arsim, edukim dhe për zhvillimin e aktiviteteve të lira”, tha mes tjerash drejtori i arsimit Avdi Morina. Më pas, fëmijët nga shkollat apo institucionet e ndryshme edukative dhe arsimore, kanë dhënë një shfaqje, me recitime, këngë, vallëzime dhe shfaqje të talentit, si gjimnastikë, akrobaci dhe të ngjashme.

Kontrolloni gjithashtu

Drejtoria Komunale e Arsimit në Deçan ka filluar me procesin e hartimit të Planit Zhvillimor Komunal të Arsmit 2024 – 2027

Drejtoria Komunale e Arsimit në Deçan ka filluar me procesin e hartimit të Planit Zhvillimor …