Në Prekaz u shënua 45-vjetori i rënies heroike të Tahir e Nebih Mehës

13/05/2026 Institucionet

Me rastin e 45-vjetorit të rënies heroike të Tahir dhe Nebih Mehës, komuna e Skënderajt të mërkurën organizoi homazhe te varret e heronjve në Prekaz.

Në një postim në Facebook, kryetari i komunës së Skenderajt, z. Sami Lushtaku ka shkruar se 13 Maji i vitit 1981 shënon një nga datat dhe qëndresat më heroike në historinë tonë kombëtare. Tahir dhe Nebih Meha, me guximin dhe vendosmërinë e tyre, i dolën përballë forcave okupatore jugosllave, duke mbrojtur nderin dhe idealin e shqiptarëve.

Lufta e tyre përveç akt qëndrese deri në flijim, ishte edhe thirrje për liri që frymëzoi gjithë brezin e mëvonshëm të Ushtrisë Çlirimtare të Kosovës. Sakrifica e Nebih e Tahir Mehës u bë simbol i pathyeshmërisë shqiptare dhe dëshmi se populli ynë kurrë nuk pajtohet me robërinë, thuhet në postimin e kryetarit Sami Lushtaku.

Lavdi e përjetshme Tahir dhe Nebih Mehës!

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara