Në Runik shtrohet Sofra tradicionale

22/07/2019 Institucionet

Në Runik të komunës së Skenderajt është organizuar aktiviteti i radhës “Sofra tradicionale” me gatime tona tradicionale për nderë të bashkatdhetarëve tanë të cilët ndodhen për pushime në vendin e tyre të lindjes. Të pranishëm në këtë ngjarje ishin kryetari i Komunës së Skenderajt, Bekim Jashari, nënkryetari Nuredin Lushtaku, deputeti i Parlamentit, Bekim Haxhiu, drejtorë komunal, shkrimtari ynë i njohur, Daut Demaku, bashkatdhetarë, asamblistë e qytetarë tjerë të shumtë. Në hapje të aktivitetit, kryetari Jashari, duke iu uruar mirëseardhje bashkatdhetarëve, ka thënë se këto organizime nuk mund të krahasohen me kontributin e diasporës, që po vazhdon ta mbajë gjallë ekonomikisht Kosovën dhe qytetarët e saj. Aktiviteti i Sofrës tradicionale ka vazhduar deri në orët e vona me këngë nga Ansambli Drenica dhe humor e aforizma popullor. Nën patronatin e kryetarit të Komunës, Bekim Jashari, tash e sa ditë po mbahen aktivitete kulturore e argëtuese për nderë të ardhjes së bashkatdhetarëve tanë. Ditëve në vazhdim do të ketë të tjera ngjarje.

Kontrolloni gjithashtu

Kryetari Kastrati ndau mirënjohje për afaristin, njëkohësisht këshilltar komunal në Grundau të Gjermanisë, Nysret Hoti

Kryetari i Komunës së Malishevës, z. Ekrem Kastrati ndau mirënjohje për afaristin dhe mërgimtarin, njëkohësisht …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara