Në Skenderaj, asnjë i infektuar me Corona Virus

17/03/2020 Institucionet

Në mbledhjen e Bordit të Drejtorëve të komunës së Skenderajt, u diskutua lidhur me zbatimin e masave parandaluese të infeksionit COVID-19. Qendra e Mjekësisë Familjare në Skenderaj raportoi se e ka situatën nën kontroll dhe është duke ofruar shërbimet shëndetësore për të gjithë pacientët e komunës. “Fatmirësisht në komunën tonë nuk kemi asnjë të infektuar dhe as të dyshuar me këtë virus. Të dashur qytetarë, nëse vazhdoni t’i zbatoni masat e ndërmarra nga Komuna dhe Qeveria, t’i përmbaheni këshillave të Institutit Kombëtar për Shëndetësi Publike ne do të kalojmë me sukses këtë sfidë”, u shpreh Kryetari i Komunës se Skenderajt, Bekim Jashari. Në anën tjetër linja telefonike falas 194 e Qendrës Operative Emergjente Lokale, vazhdon të jetë në dispozicion për të gjithë qytetarët që kanë shenja gripoze. Personat që kanë dyshime se janë infektuar me virus duhet të vetë izolohen dhe të kërkojnë ndihmë në linjën telefonike falas 194 ose 038/200 80 800, pa pasur nevojë të paraqiten në QKMF, ekipi mobil do të intervenojë shpejtë.

Pa frikë, por me kujdes të shtuar!

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara