Brickos

Në Viti u mbajt punëtoria mbi draftin e dokumentit të Buxhetimit të përgjegjshëm gjinor

14/11/2018 Institucionet

Vë Viti është mbajtur një punëtori me qëllim të hartimit të Draft Dokumentit të Buxhetimit të Përgjegjshëm Gjinor për Komunën e Vitisë. Në këtë punëtori e cila është organizuar nga Misioni i Organizatës për Siguri dhe Bashkëpunim në Evropë (OSBE), konkretisht të Sektorit të Demokratizimit brenda këtij institucioni që është i vendosur në Gjilan kanë marrë pjesë përfaqësues të Grupit Punues Komunal për Buxhetimin Gjinor dhe zyrtarë tjerë komunal ku në veçanti është diskutuar mbi draft dokumentin përfundimtar për buxhetimin gjinor i cili pritet të mbështet planifikimin e buxhetit komunal. Në këtë punëtori zv. Kryetari i Komunës së Vitisë, Hasan Aliu ndër tjerash tha se Komuna e Vitisë, pos që ka mbajtur diskutime të shumta për planifikim e buxhetit komunal në lokalitetet e ndryshme të kësaj komune ka mbajtur takime të tilla edhe me kategoritë e ndryshme të shoqërisë në veçanti që të gjithë të jenë pjesëmarrës në hartimin e buxhetit komunal pa dallime. Zv. Kryetari Aliu po ashtu theksoi se kjo komunë i trajton barabartë të dy gjinitë ashtu siç edhe parashihet me ligjet në fuqi. Përndryshe Ibadete Hyseni, Zyrtare për Barazi Gjinore në Viti bëri me dije se me aprovimin e këtij dokumenti do të eliminohen pabarazitë gjinore ne ndarjen e buxheteve komunale.

Kontrolloni gjithashtu

Kryetari Latifi ka pritur në takim grupin koordinues për infrastrukturën sportive në Republikën e Kosovës

Kryetari i komunës së Rahovecit Smajl Latifi, ka pritur në takim grupin koordinues për infrastrukturën …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara