leoni

Nënkryetari Berisha priti komandantin e BSHKP të KFOR-it kolonelin Cagliardi

26/01/2018 Institucionet

Nënkryetari i Komunës së Malishevës Hajdin Berisha, ka pritur në një takim me karakter pune dhe njoftues, komandantin e Brigadës Shumëkombëshe Perëndim të KFOR-it, dhe njëherit komandantin e kontingjentit italian të KFOR-it, kolonelin Ettore Cagliardi, me të cilin biseduan për vazhdimin e bashkëpunimit të ndërsjellë mes KFOR-it dhe Komunës së Malishevës. Nënkryetari Berisha dhe koloneli Cagliardi, u pajtuan për vazhdimin e bashkëpunimit, në fushat me interes të përbashkët, sidomos për vazhdimin e përkrahjes së KFOR-it, në fushat e caktuara, e që lidhen me zhvillimin e përgjithshëm. Përveç arsimit dhe shëndetësisë, ku është i fokusuar KFOR-i italian, do të bashkëpunohet edhe në fushat tjera, që lidhen me zhvillimin ekonomik. Nënkryetari Berisha, e ka falënderuar kolonelin Cagliardi dhe KFOR-in italian, për vazhdimin e bashkëpunimit dhe ndihmës konkrete që KFOR-i italian, i ka ofruar Malishevës, si dhe tha se “komuna e Malishevës është e gatshme dhe e hapur për bashkëpunim, sidomos me italianët, pasi një pjesë e madhe e banorëve malishevas, jetojnë dhe punojnë në Itali dhe kjo e forcon edhe më shumë lidhjen mes tyre”. Përndryshe, KFOR-i italian, në vazhdimësi, përmes projekteve të ndryshme, e ka përkrahur Komunën e Malishevës, sidomos në fushën e arsimit dhe edukimit, ndërsa investimi i fundit ka qenë, pajisja me kompjuter për kabinetet e informatikës në dy shkolla të Komunës së Malishevës.

Kontrolloni gjithashtu

Kryetari Haliti: Vitia po krijon hapësira të shumta sportive për të rinjtë

Sot, kryetari i komunës së Vitisë Sokol Haliti, ka përcjellë për së afërmi punimet që …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara