Nënshkruhen edhe gjashtë memorandume me federatat e sportit

29/03/2018 Institucionet

Në kabinetin e Ministrit të Kulturës, Rinisë dhe Sportit, Kujtim Gashi, janë nënshkruar edhe gjashtë memorandume bashkëpunimi tjera, me Federatën Sportive të Punëtorëve të Kosovës, Federatën e Çiklizmit të Kosovës, Federatën e Boulingut të Kosovës, Federatën e Sporteve për të Verbër e Kosovës, Federatën e Tenisit të Kosovës dhe Federatën Bjeshkatare Alpiniste të Kosovës. Në bazë të këtyre memorandumeve të nënshkruara, Federata Sportive e Punëtorëve të Kosovës mbështetet financiarisht me 40 mijë euro, për të cilën nënshkroi kryetari i kësaj federate, Ismail Sadiku. Për Federatën e Çiklizmit, memorandumin për mbështetjen financiare në vlerën e mbi 48 mijë eurove, e nënshkroi Kryetari i Federatës, Avni Nuha. Ndërkaq, Federata e Boullingut e përfaqësuar nga kryetari i saj Fitim Fazliu, u mbështet me mbi 38 mijë euro. Në emër të Federatës së Sporteve për të Verbër e Kosovës, kryetari i federatës, Daut Tishuku, nënshkroi memorandumin për përkrahje financiare me vlerë 40 mijë euro. Mbështetjen financiare në vlerën e 40 mijë eurove, po ashtu e siguroi edhe Federata e Bjeshkatare Alpiniste e Kosovës për të cilën memorandumin e nënshkroi kryetari Arben Lila. Ndërkaq, për Federatën e Tenisit, memorandumin me vlerë mbi 69 mijë euro, e nënshkroi kryetari Mejdi Rexhepi. Ministri, Kujtim Gashi, tha se mbështetja financiare për këto federata, bëhet në vazhdën e nënshkrimit të këtyre memorandumeve me qëllim të realizimit të politikave prioritare për sportin që ka MKRS-ja dhe qeveria e vendit tonë në njërën anë dhe për realizimin e objektivave dhe planeve të tyre për vitin 2018 në anën tjetër. Në anën tjetër, drejtuesit e këtyre federatave, duke falënderuar ministrin për pritjen dhe përkrahjen që po i ofron sportit dhe sportistëve të vendit, u shprehën të kënaqur me mbështetjen që MKRS u ofron atyre.

Kontrolloni gjithashtu

Jetën ia falën lirisë, që të jetojë i lirë shqiptari

Sot në Gllogjan e Maznik të komunës së Deçanit, në nder të 25-vjetorit të rënies …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara