Brickos

Nesër në Prishtinë do të marshohet për të përkujtuar personat e zhdukur nga lufta me thirrjen "Ku janë?"

Nesër në Prishtinë do të marshohet për të përkujtuar personat e zhdukur nga lufta me thirrjen “Ku janë?!”

Më rastin e 30 Gushtit, Ditës Ndërkombetare të Personave të Zhdukur, nesër në Prishtinë do të marshohet me thirrjen “Ku janë?” Në këtë marshutë do të marrin pjesë edhe familjarët e 64 personave të zhdukur nga Krusha. Lajmin dhe agjendën e paraparë e ka publikuar i pari i këtij fshati Selami Hoti përmes një postimi në rrjetin social.

“30 GUSHTI-DITA NDËRKOMBËTARE PËR PERSONA TË ZHDUKUR. Të nderuar familjar të të zhdukurve nga Krusha dhe tërë Kosova, me rastin e shënimit të kësaj dite të rëndësishme, ju ftoj të gjithëve që të shkojmë në Prishtinë, në Marshin Përkujtimor. Krushës na mungojnë edhe 64, tërë Kosovës edhe 1648! Agjenda: -13:00 Nisja me autobus nga Krusha; -16:30 Marshi përkujtinor nga sheshi ‘Zahir Pajaziti’, për të vazhduar me ecjen gjatë tërë Bulevardit ‘Nënë Tereza’, dhe për të arritur në ora; -16:48 te Përmendorja dedikuar personave të zhdukur (përballë Ndërtesës së Kuvendit të Republikës së Kosovës). Bulevardi ‘Nënë Tereza’, do të jetë i mbuluar me 1648 gjurmë (gjurmë të këmbëve, të shënjuara me ‘?’ (pikëpyetje), numrin 1648 dhe thirrjen ‘KU JANË’), si simbolikë në nderim dhe kujtim edhe për 1648 personat e zhdukur të Kosovës. Gjatë ecjes, pak para arritjes të Përmendorja dedikuar personave të zhdukur, do t’i bashkëngjiten edhe disa familjarë, të cilët do të jenë duke qëndruar në pritje në një ‘Sofër’ (e vendosur para Teatrit Kombëtar). Marshi Përkujtimor, do të përfundojë me vendosjen e luleve , nga ora 16:48, para Përmendores dedikuar personave të zhdukur”, ka shkruar ai.

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …