Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nesër vjen në Shqipëri, ish presidenti i Shteteve të Bashkuara të Amerikës, Bill Klinton. Gjatë kësaj vizite dyditore, ai do të pritet në takime nga autoritetet më të larta të vendit. Mediet në Tiranë njoftojnë se delegacioni i drejtuar nga ish presidenti, Bill Klinton, do të pritet nga kryeministri Edi Rama në një ceremoni të posaçme zyrtare në Bulevardin “Dëshmorët e Kombit” përballë Kryeministrisë, me pjesëmarrjen edhe të qytetarëve. Të hënën, në ora 19.00, ata do të parakalojnë në mënyrë ceremoniale dhe do të nderojnë flamujt e të dyja vendeve. Pak minuta më vonë, ata do të mbajnë nga një fjalë rasti para të pranishmëve ndërsa rreth orës 19.30, do të zhvillohet ceremonia e nderimit të presidentit të 42 të ShBA-ve Bill Clinton me “Yllin e Mirënjohjes për Arritjet Publike” që do të pasohet nga një fjalim i tij para pjesëmarrësve në ceremoninë e dhënies së këtij titulli.
