Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë politike nesër do të nisin edhe zyrtarisht fushatën pesë ditore për të parin e komunës së Besianës. Nexhmi Rudari i Lidhjes Demokratike të Kosovës, Shpejtim Bulliqi i Lëvizjes Vetëvendosje dhe Naim Fetahu i Partisë Demokratike të Kosovës janë në garë që të marrin mandatin afatshkurtër deri në zgjedhjet e ardhshme komunale 2021. Javë më parë, Komisioni Qendror i Zgjedhjeve ka vendosur që fushata për zgjedhjet lokale në Podujevë të fillojë më 23 nëntor dhe të zgjasë deri më 27 nëntor. Votimet në Besianë mbahen pasi kryetari i kësaj komune Agim Veliu ishte emëruar në postin e ministrit të Brendshëm të Qeverisë së Kosovës. Zgjedhjet në Besianë ishin paraparë të mbaheshin më 15 mars, por për shkak të Covid-19 ato janë shtyrë për 29 nëntor kur do të votohet edhe për kryetar të Mitrovicës së Veriut.
