NGA SOT SHËRBIME MJEKËSORE NË SHTËPI PËR QYTETARËT E RAHOVECIT

Viti nisi mbarë. Nga sot e tutje, në Rahovec do të funksionojë shërbimi i ri mjekësor “Kujdesi Shtëpiak”, i cili do ta lehtësojë marrjen e trajtimit shëndetësor për të moshuarit dhe ata me sëmundje të rënda, të cilët e kanë të vështirë mobilitetin deri te QKMF-ja apo QMF-të. Një mjek dhe dy infermierë do të jenë në lëvizje për të ofruar shërbime anembanë Rahovecit nga ora 07:00 deri në 21:00, dhe përveç shërbimeve të tjera ekipi mobil do të bëjë edhe testime rapide për COVID-19, sipas vlerësimit të mjekut. Kryetari i komunës së Rahovecit Smajl Latifi ka thënë se, jam shumë i gëzuar qe me nisjen e vitit të ri 2022, e nisëm edhe përmbushjen e premtimeve të fushatës së para pak muajve. Kujdesi Shtëpiak, që nisi së ofruari sot, ishte njëri prej premtimeve tona në programin qeverisës. Shpresoj që qytetarët e Rahovecit të kenë sa më pak nevojë për këtë shërbim dhe të kenë shëndet të mirë gjatë vitit që sapo ka nisur.

 

Kontrolloni gjithashtu

Drejtoria Komunale e Arsimit në Deçan ka filluar me procesin e hartimit të Planit Zhvillimor Komunal të Arsmit 2024 – 2027

Drejtoria Komunale e Arsimit në Deçan ka filluar me procesin e hartimit të Planit Zhvillimor …