Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi Parlamentar NISMA për Kosovën priti në takim shefen e Zyrës së BE-së dhe Përfaqësuese e Posaçme e BE-së në Kosovë, Natalya Apostolova, e cila ishte e shoqëruar nga disa ambasadorë të shteteve të BE-së. Temë diskutimi në këtë takim ishte Iniciativa për shfuqizimin e ligjit për Gjykatën Speciale, për të cilën Apostolova kërkoi qëndrimin e Grupit Parlamentar NISMA për Kosovën. Shefi i Grupit Parlamentar NISMA për Kosovën, Bilall Sherifi foli për qëndrimin e NISMËS për Gjykatën Speciale, ku theksoi se NISMA ka qenë kundër saj në vitin 2015 edhe sot edhe gjithmonë do të jemi kundër një gjykate të tillë e cila do të trajtojë vetëm rastet e supozuara të UÇK-së dhe jo të gjitha krimet e kryera gjatë luftës në Kosovë! Si e tillë ajo është e njëanshme, një etnike dhe tejet selektive! Apostolova në këtë takim foli për raportet BE – Kosovë, ajo theksoi se qëllimi i BE-së është ta ndihmojë Kosovën. Ajo gjithashtu e ritheksoi s e BE-ja pret që Kosova të respektojë obligimet ndërkombëtare siç është Gjykata Speciale.
