valamobile
MIT
kek
akp deri me 5 maj
Airport Adem Jashari
mbpzhr 2018
Fillimi / Lajmet / Një delegacion i Aleancës Kosovare të Bizneseve është takuar sot me ministrin e MTI-së, Endrit Shala
Një delegacion i Aleancës Kosovare të Bizneseve është takuar sot me ministrin e MTI-së, Endrit Shala

Një delegacion i Aleancës Kosovare të Bizneseve është takuar sot me ministrin e MTI-së, Endrit Shala

Një delegacion i Aleancës Kosovare të Bizneseve, i kryesuar nga kryetari Agim Shahini, u takua sot me Endrit Shala, ministër i Tregtisë dhe Industrisë, me të cilin diskutuan për mundësitë e bashkëpunimit në mes dy institucioneve që kanë mision të përbashkët zhvillimin e prodhimtarisë dhe shërbimeve vendore. Pasi e njoftoi për së afërmi ministrin Shala për proceset ekonomike në Kosovë e në veçanti të sektorit privat, për të cilat të gjithë parametrat e këtij viti nuk janë pozitivë, qoftë në aspektin e investimeve të huaja, por edhe ato të brendshme, Agim Shahini, si pengesë paraqiti edhe situatën politike, e cila po i zmbraps investitorët e huaj. Ai shtoi se politikat investive në Kosovë përmes Ligjit për investime strategjike nuk janë konkurruese, edhe ato duhet të ndryshojnë sa më shpejt që është e mundur, sepse ne kemi vlerësuar këtë Ligj si aset kombëtar, prandaj ndryshimet janë të nevojshme dhe të menjëhershme.

Ministri Endrit Shala falënderoi AKB-në për gjitha aktivitetet që ka bërë për shumë vite në aspektin e promovimit të prodhimtarisë vendore, si vlerë e shtuar për rritjen ekonomike dhe shtoi se MTI do të jetë zë i fuqishëm i prodhuesve vendorë dhe do ta kenë mbështetjen tonë pa rezervë për të gjitha iniciativat që do të vinë nga ju dhe organizatat e tjera biznesore, por edhe nga iniciativa individuale të prodhuesve vendorë. Shala shtoi se Ministria e Tregtisë dhe Industrisë është e përkushtuar t’i mbështesë iniciativat e sektorit privat dhe për këtë do të lëmë shenja të dukshme të përmirësimit të ambientit biznesor. Të dy palët u pajtuan të nisin takimet e rregullta të Këshillit Kombëtar Ekonomik për Zhvillim Ekonomik, si vend ku gërshetohen kërkesat nga bizneset dhe shqyrtimet e tyre në këtë Këshill. Po ashtu ata u dakorduan që bashkërisht të ndërmarrin iniciativa të përbashkëta për rritjen e ekonomisë vendore dhe të kenë takime të rregullta.

Kontrolloni gjithashtu

Avdullah Hoti: nuk ka dakordim e as legjitimet institucional për ta përfaqësuar Republikën në takimin e Berlinit

Avdullah Hoti: Nuk ka dakordim e as legjitimet institucional për ta përfaqësuar Republikën në takimin e Berlinit

Shefi i grupit parlamentar të Lidhjes Demokratike të Kosovës, Avdullah Hoti, ka thënë se për ...