Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Oda Ekonomike Amerikane në Kosovë shprehu shqetësim për menaxhimin e parasë publike në Kosovë, veçanërisht për disa vendime që, sipas saj, mund të çojnë në rritjen e ngarkesës fiskale për bizneset. Gjatë një takimi që drejtuesit e kompanive anëtare të Odës Ekonomike Amerikane në Kosovë zhvilluan me ministrin e Financave, Bedri Hamza, u tha se funksionalizimi i ekonomisë së tregut, si dhe reformat në politikat fiskale të vendit janë të domosdoshme për lehtësimin e mëtejmë të të bërit biznes. Arian Zeka, drejtor ekzekutiv i Odës Amerikane, shprehu gatishmërinë për të kontribuar me rekomandime në procesin e plotësim-ndryshimit të legjislacionit tatimor. Bedri Hamza, ministër i Financave, sqaroi se rrezikimi i stabilitetit makrofiskal në Kosovë mund të krijojë probleme si në sektorin publik ashtu edhe në atë privat. Hamza njoftoi se Ministria e Financave është duke punuar në ndryshimin e legjislacionit tatimor në përputhje me direktivat e Bashkimit Evropian.
