Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë forumit virtual të organizuar nga Oda Ekonomike Amerikane në Kosovë (OEAK ) me disa nga përfaqësuesit e bankave komerciale në Kosovë, u tha se sektori bankar në vendin tonë është njëri nga elementet më vitale për përballimin e krizave ekonomike. Anëtarët e Odës Ekonomike Amerikane në Kosovë kanë thënë se është shumë pozitiv fakti që ky sektor është i qëndrueshëm në këtë situatë të pazakontë. Gjatë forumit virtual u tha se Kosova është shumë me fat që në këtë situatë ka një borxh shumë të ulët publik dhe një sistem të qëndrueshëm financiar, si avantazhe të cilat e bëjnë më imune ndaj përballimit me krizë. Qeveria në detyrë e ka përgatitur tani një pako të masave emergjente ku janë përfshirë ndihma për rikuperimin e dëmeve ekonomike që mund t’i ketë ekonomia e Kosovës në përgjithësi.
