Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Oficeri i UÇK-së gjatë luftës, Dritan Goxhaj është lënë sërish me masën e arrestit me burg, nga Gjykata e Apelit. Gjykata e Tiranës, më 2 gusht kishte caktuar masën e sigurisë 40 ditë arrest në burg për Dritan Goxhajn. Kërkesa për arrestimin e tij erdhi nga Zyra e Prokurorit të Gjykatës Speciale. Deri më tani, institucionet e drejtësisë kanë sqaruar se ndalimi është bërë pasi Goxhaj akuzohet për kryerjen e veprave penale: “Frikësimi gjatë procedurës penale” dhe “Pengimi i personit zyrtar në kryerjen e detyrave zyrtare”. Dritan Goxhaj pritet të ekstradohet drejt Kosovës, pas realizimit të procedurave nga autoritetet shqiptare. Gjykata Speciale kishte lëshuar urdhër-arrest për luftëtarin e lirisë së Kosovës, Dritan Goxhaj, i cili ka qenë edhe shoqërues i trupave amerikane gjatë luftës në Kosovë.
