Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Osman Osmani ka reaguar kundër nismës së ashtuquajtur “10 Milionëshe”, për të cilën do të votohet më 14 qershor 2026 në Zvicra, duke theksuar se njerëzit nuk duhet të trajtohen vetëm si numra apo barrë për shoqërinë. “Njerëzit që shihen vetëm si numra, humbin vlerën e kontributit të tyre në shoqëri”, ka deklaruar Osmani. Ai ka kujtuar se Zvicra historikisht ka qenë vend i migrimit dhe i pranimit të fuqisë punëtore nga vende të ndryshme, ndërsa ka theksuar rolin e rëndësishëm të komunitetit shqipfolës në zhvillimin ekonomik dhe social të vendit. “Sot mijëra shqiptarë janë qytetarë të natyralizuar, aktivë në politikë, sipërmarrës, profesionistë, sindikalistë, mësimdhënës dhe parlamentarë”, ka thënë ai. Sipas Osmanit, komuniteti shqiptar ndër vite ka kontribuar në sektorë kyç si ndërtimtaria, fabrikat, shëndetësia, gastronomia, transporti, pastrimi dhe profesionet sociale. Ai ka vlerësuar se është problematike dhe e rrezikshme që miliona njerëz të paraqiten në mënyrë të përgjithësuar si kërcënim për shoqërinë, duke bërë thirrje për debat më të drejtë dhe më njerëzor rreth migrimit dhe integrimit në Zvicër.
