Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të fushatës zgjedhore, Aleanca Kosova e Re bashkë me partnerët e koalicionit nga LDK-LD-Alternativa, ka mbajtur të mërkurën një tubim me qytetarë në Novobërdë, ku është prezantuar plan programi qeverisës i këtij koalicioni. Me këtë rast kryetari i Aleanca Kosova e Re, Behgjet Pacolli, u bëri thirrje qytetarëve që më 11 qershor ta përkrahin koalicionin e shpresës dhe kandidatin për kryeministër të Kosovës, Avdullah Hoti. Duke folur për programin qeverisës të koalicionit dhe duke i shtjelluar pikat kryesore të këtij programi kryetari i AKR-së ka thënë se janë dy arsye kryesore pse qytetarët duhet të dalin masovikisht në këto zgjedhje. “Arsyeja e parë është largimi i njerëzve që i kanë bërë të këqija Kosovës dhe e dyta është fillimi i një epoke te re me ata qe e duan Kosovën, me njerëzit të cilët e kanë dashur një Kosovë paqësorë, të zhvilluar ekonomikisht dhe me të drejta të barabarta për të gjithë qytetarët e saj”, ka thënë ndër të tjera Pacolli. Ndërsa, kandidati për kryeministër, Avdullah Hoti, ka theksuar se platforma qeverisëse e koalicionit AKR-LDK-LD-Alternativa, është platforma më e kompletuar e cila do të zbatohet nga njerëzit e dëshmuar profesionalisht.
