Airport Adem Jashari
MIT
kek
mbpzhr grante
valamobile
Fillimi / Lajmet / PAN: Vendimi për vazhdimin e seancës së Kuvendit në ditën e enjte, është arbitrar dhe i papranueshëm
PAN: Vendimi për vazhdimin e seancës në Kuvendit në ditën e enjte, është arbitrar dhe i papranueshëm

PAN: Vendimi për vazhdimin e seancës së Kuvendit në ditën e enjte, është arbitrar dhe i papranueshëm

Koalicioni PDK-AAK-Nisma dhe i partnerëve të tjerë, shpreh shqetësim për vendimin arbitrar të kryesuesit të seancës konstituive për vazhdimin e kësaj seance në ditën e enjte. Sipas komunikatës së këtij koalicioni me këtë vendim të njëanshëm, kryesuesi i seancës konstituive është vënë të shërbim të plotë vetëm të një subjekti politik, duke shkelur edhe parimin mbi të cilin ka ndodhur takimi i kaluar konsultues mes subjekteve politike parlamentare. “Ky vendim i kryesuesit dëshmon se ai, bashkë me partinë Vetëvendosje, janë të interesuar që ta thellojnë edhe më shumë bllokadën në Kuvendin e Kosovës dhe jo të gjejnë një zgjidhje të përbashkët me grupet e tjera parlamentare. Koalicioni i PDK-së, AAK-së, Nismës për Kosovën dhe i partnerëve të tjerë, qëndrimin për vazhdimin e seancës konstituive do e jap pas takimit konsultativ të vendosur me pajtueshmëri mes shumicës së subjekteve politike për të mërkurën në orën 10:00.

Koalicioni është i bindur se oferta për shmangien e krizës përmes votimit të kryeparlamentarit dhe kryeministrit të ri me marrëveshje politike, do të përkrahet prej shumicës së subjekteve politike parlamentare. Prandaj, zgjedhja e të nominuarit tonë për kryetar të Kuvendit, Kadri Veseli, si dhe e të nominuarit për kryeministër të Kosovës, Ramush Haradinaj, përkundër përpjekjeve të tashme bllokuese në Kuvendin e Kosovës, janë procese të pandalshme politike”, është thënë në komunikatën e PAN-it.

Kontrolloni gjithashtu

SPSPK kërkon nga Qeveria e Kosovës që të ndajë një fond simbolik për rastet e punëtorëve që po vdesin në vendet e punës

SPSPK kërkon nga Qeveria e Kosovës që të ndajë një fond për rastet e punëtorëve që po vdesin në vendet e punës

Sindikata e Pavarur e Sektorit Privat të Kosovës kërkon nga Qeveria e Republikës së Kosovës ...