Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë opozitare kanë përgënjeshtruar deputetin e Vetëvendosjes, Armend Muja sipas të cilit, gjatë Qeverisë Kurti, paga mesatare është rritur në 780 euro. Anëtari i kryesisë së Partisë Demokratike të Kosovës, Arben Mustafa ka thënë se të dhënat tregojnë që Kosova ka nivelin më të ulët të pagave në rajon. Edhe nëse ka ndonjë rritje, ajo është tejet e vogël krahasuar me rritje e lart të çmimit të artikujve të ndryshëm. Deputetja e Lidhjes Demokratike të Kosovës, Hykmete Bajrami, ka thënë se paga i është rritur kryeministrit, ministrave, këshilltarëve, asistentëve e shoferëve të tyre, por jo qytetarëve. Shefi i Grupit Parlamentar të Aleancës për Ardhmërinë e Kosovës Besnik Tahiri, pretendimin e deputetit të partisë Vetëvendosje, Armend Muja, e ka quajtur manipulim me statistika nga partia në pushtet.
