Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë dhe lideri i Lëvizjes Vetëvendosje, Albin Kurti, ka ftuar për të shtunën pasdite një takim me krerët e të gjitha partive të përfaqësuara në Kuvendin e Kosovës, në përpjekje për të gjetur konsensus për konstituimin e legjislaturës së nëntë. Kurti ka theksuar se, sipas aktgjykimit të fundit të Gjykatës Kushtetuese, obligimi për të konstituuar Kuvendin është përgjegjësi e të gjithë deputetëve, dhe jo vetëm e subjektit të parë. “Si kryetar i Vetëvendosjes dhe në emër të grupit më të madh parlamentar të dalë nga zgjedhjet e 9 shkurtit, kam ftuar krerët e partive për një takim të përbashkët të shtunën në orën 16:00,” shkroi Kurti në rrjetet sociale. Ftesa vjen një ditë pas publikimit të aktgjykimit të Gjykatës Kushtetuese, që u bën thirrje partive të përfundojnë konstituimin e Kuvendit brenda 30 ditësh dhe të veprojnë në frymën e bashkëpunimit dhe mirëbesimit.
