Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
PDK-ja ka demantuar kronikën e T7, të emituar më 21.2.2019, lidhur me procesin e brendshëm zgjedhor, në nëndegën Dobratin, dega e Besianës. Më 4 shkurt 2019, në Dobratin e as në ndonjë nëndegë tjetër, gjatë zhvillimit të procesit të brendshëm zgjedhor, nuk ka pasur asnjë konflikt, as kacafytje. Procesi zgjedhor është duke ecur në mënyrën më të mirë të mundshme, këtë e dëshmojnë pjesëmarrja masive e cilësore e paparë ndonjë herë në praktikën tonë politike. Për hir të informimit objektiv të qytetarëve, në veçanti të anëtarëve të Partisë Demokratike të Kosovës, anëtarët e Komisionit për zgjedhje të brendshme, demantojmë fuqishëm spekulimet e thëna dhe të emetuara në kronikë, nga burimet e T7. Ecuria e procesit të brendshëm zgjedhor, deri më tani, i zhvilluar në mbi 500 nëndegë, është zhvilluar në përputhje të plotë me dokumentet dhe rregulloret për procesin e brendshëm zgjedhor, në pajtim të plotë me demokracinë e brendshme dhe traditën më të mirë politike në Republikën e Kosovës.
Komisioni për zgjedhje të brendshme të Partisë Demokratike të Kosovës.
