Përfundoi turneu ndërinstitucional në futboll të vogël në komunën e Malishevës

16/02/2024 Institucionet

Mbrëmë ka përfunduar turneu ndërinstitucional në futboll të vogël, aktivitet i cili është zhvilluar në kuadër të shënimit të 17 Shkurtit, ditës së Pavarësisë së Republikës së Kosovës në komunën e Malishevës. Në këtë aktivitet kanë marrë pjesë gjashtë institucione që veprojnë në komunën e Malishevës, ndërsa fitues i këtij turneu është ekipi i policisë së Kosovës, përkatësisht i stacionit policor në Malishevës, të cilët në finale, e kanë mundur ekipin e mësimdhënësve të Gjimnazit “Hamdi Berisha”. Në këtë turneu, morën pjesë, ekipet e institucionit të komunës së Malishevës, policia e Kosovës, bashkësia Islame, Gjimnazi “Hamdi Berisha”, SHFMU “Ibrahim Mazreku” dhe ekipi i shkollave në fshatin Drenoc. Në fund të këtij turneu, për ekipet pjesëmarrëse janë ndarë mirënjohje nga ana Drejtoria për Kulturë, Rini dhe Sport, si bartëse e këtij aktiviteti, përkatësisht nga drejtori i drejtorisë, Fitim Shala, i cili i ka falënderuar të gjitha ekipet për pjesëmarrje aktive në aktivitetet që po zhvillohen në kuadër të shënimit të 16 vjetorit të Pavarësisë së Kosovës. Aktivitetet që po zhvillohen në kuadër të shënimit të 16 vjetorit të Pavarësisë së Kosovës, në Komunën e Malishevës, zhvillohen nën përkujdesjen e kryetarit të komunës, z.Ekrem Kastrati.

Kontrolloni gjithashtu

Kryetari Latifi mori pjesë në përurimin e parqeve në fshatrat Opterushë dhe Retijë e Poshtme

Sot, kryetari i komunës së Rahovecit z. Smajl Latifi i shoqëruar nga bashkëpunëtorët, zëvendësministrin e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara