Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i komunës së Rahovecit, z.Fatmir Iska, i shoqëruar me drejtorin e arsimit dhe në prani të nxënësve e mësimdhënësve të SHFMU “Skënder Kastrati”- Paralelja e ndarë në Gexhë, kanë përuruar përfundimin e projektit të efiçiencës së energjisë në këtë objekt shkollor. Në ceremoninë e përurimit ishin edhe zëvendësministri i Ministrisë së Ekonomisë, drejtori i Fondit të Kosovës për Efiçiencë të Energjisë, përfaqësuesja e Bankës Botërore dhe mysafirë të tjerë. Vlera e investimit të këtij projekti është 70.982 € dhe është projekt i realizuar në kuadër të marrëveshjes të komunës së rahovecit me Fondin e Kosovës për Efiçiencë të Energjisë. Me anë të këtij projekti u bë izolimi i jashtëm i objektit të shkollës, riparimi i kulmit, ndërrimi i dritareve dhe dyerve të jashtme dhe ndriçimi i brendshëm, tërësisht efiçient.
