Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përparim Gruda, nga PDK-ja ka reaguar pasi Ministrja e Drejtësisë, Albulena Haxhiu tha se Gjykata Kushtetuese po i pengon reformat në drejtësi. Ai ka saktësuar se Kushtetuesja dhe institucionet e tjera të drejtësisë po sulmohen nga qeveria Kurti për të mbuluar dështimin dhe paaftësinë e tyre për të kryer reformat e premtuara. Sipas tij, sulmet do të ashpërsohen edhe më shumë sa më shumë të afrohet data e zgjedhjeve të reja. Nuk ka faj Gjykata Kushtetuese dhe askush tjetër për paaftësinë e tyre për të realizuara reformat e premtuara. Për të vërtetuar këtë, vetëm merreni rastin e vetingut: Ministrisë së Drejtësisë i janë dashur dy vite kohe që t’i dërgoj në Gjykatën Kushtetueses amendamentet për këtë proces, tani akuzojnë gjykatën që ka vonuar vlerësimin e saj për ato amendamente. Po këta që i vonuan 2 vite që t’i dërgojnë në Gjykata, kanë ndonjë faj, apo këta janë të pagabueshëm?”, ka shkruar Përparim Gruda.
