Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Platforma “Liria ka emër” mbajti një konferencë për media, ku shprehu shqetësimet për shkelje të të drejtave në procesin gjyqësor të drejtuesve të UÇK-së në Gjykatën Speciale në Hagë. Ismail Tasholli deklaroi se gjykimi ka devijuar nga standardet evropiane dhe kërkoi rishqyrtimin e procedurave për të siguruar drejtësi të paanshme, duke i bërë thirrje shteteve financuese të monitorojnë punën e gjykatës. Juristi Përparim Gruda nga PDK-ja theksoi se paraburgimi i zgjatur i Hashim Thaçit dhe të tjerëve shkel të drejtat e njeriut dhe Kushtetutën e Kosovës. Ai kritikoi marrjen e provave nga Serbia, e cila sipas tij vendos mbrojtjen në pozita të pabarabarta, dhe kërkoi ndaljen e kësaj praktike. Gruda shtoi se çështja e “Shtëpisë së Verdhë” nga raporti i Dick Marty-t nuk është përmendur në proces, duke e konsideruar zvarritjen e gjykimit si shkelje të standardeve.
