Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Republikës, Bajram Begaj, ka pritur Kryetarin e Komitetit Ushtarak të NATO-s, Admiral Giuseppe Cavo Dragone, në një vizitë të rëndësishme në Shqipëri. Presidenti Begaj e përshëndeti Admiral Dragone për detyrën e tij të re dhe falënderoi NATO-n për përzgjedhjen e Shqipërisë si destinacionin e parë të vizitës së tij në rajon. Ai theksoi vlerësimin e Shqipërisë për rolin dhe misionin e NATO-s, duke u shprehur se prania e Aleancës në rajon dhe misioni i KFOR-it në Kosovë janë dëshmi të angazhimit të thellë të NATO-s për sigurinë dhe stabilitetin e rajonit. Begaj foli gjithashtu për rëndësinë e bashkëpunimit rajonal dhe unitetit për të garantuar paqen dhe sigurinë. Ai theksoi se Shqipëria vazhdon të rrisë buxhetin e mbrojtjes dhe modernizimin e Forcave të Armatosura, duke kontribuar gjithashtu më shumë në misionet dhe operacionet e NATO-s.
