Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas vizitës që fillimisht i kanë bërë Serbisë, ku janë pritur nga autoritete të larta të Beogradit, Princi i Wallesit dhe Dukesha e Cornwall-it kanë arritur për një vizitë në Kosovë. Sapo kishin ardhur në Prishtinë nga Aeroporti, ata kishin ndaluar në një pritje të organizuar, ku morën pjesë liderë të Kosovës nga qeveria dhe opozita, drejtues të institucioneve të pavarura si dhe përfaqësues të shoqërisë civile. Princi Charles ka bashkëbiseduar me pjesëmarrësit në këtë pritje, madje duke iu afruar edhe tavolinës ku kanë qëndruar liderët e opozitës. Ndërkohë që Princi vazhdonte bashkëbisedimet nga tavolina në tavolinë, të parët që janë larguar nga kjo ndejë kanë qenë kryeministri, Isa Mustafa dhe kryetari i Kuvendit, Kadri Veseli. Pak pas tyre është larguar edhe kryetari i ardhshëm i Kosovës, Hashim Thaçi.