Kadri Veseli

Prokuroria e Gjykatës Speciale kundërshton kërkesën e avokatit, Ben Emmerson, për ta liruar nga paraburgimi, Kadri Veselin

Zyra e Prokurorit të Gjykatës Speciale ka kundërshtuar kërkesën e  avokatit të Kadri Veselit, Ben Emmerson, për ta liruar përkohësisht nga paraburgimi ish-kryetarin e Kuvendit të Kosovës. Në një përgjigje të Prokurorisë me nënshkrimin e kryeprokurorit Jack Smith, janë renditur argumentet se pse Veseli, sipas organit të akuzës, duhet të vazhdojë të qëndrojë në paraburgim. Prokuroria ka përmendur edhe mundësinë e dënimit të Veselit me burgim të gjatë, si një prej arsyeve se pse sipas tyre ai nuk duhet të lirohet as përkohësisht. Organi i akuzës në Hagë, pretendon se kriteret për ta mbajtur Veselin në paraburgim janë përmbushur dhe se këto kritere “nënvizojnë seriozitetin e rreziqeve të paraqitura”, duke përmendur më tej rrezikun që Veseli të arratiset dhe rrezikun që të ndikojë në procesin e hetimit ndaj tij, përfshirë ndërhyrjen në dëshmitarë. Sipas Prokurorisë, “asnjë masë alternative nuk adreson sa duhet këto rreziqe”.

Kontrolloni gjithashtu

Rrezarta Krasniqi: Kompromiset në dëm të Kosovës kjo qeveri i ka bërë standard të politikës së jashtme

Deputetja e LDK-së, Rrezarta Krasniqi, nuk beson që do të hiqen sanksionet e vendosura nga BE-ja

Deputetja e LDK-Së, Rrezarta Krasniqi nuk besojnë që do të hiqen sanksionet e vendosura nga …