Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar qasjen e Prokurorisë së Gjykatës Speciale ndaj drejtuesve të Ushtrisë Çlirimtare të Kosovës që po mbahen në Hagë, njohësit e drejtësisë kanë thënë se kjo Prokurori ka qasje armiqësore ndaj ish-krerëve të UÇK-së. Avokati, Tomë Gashi ka theksuar se prokuroria ende nuk e ka njoftuar mbrojtjen as se kush janë dëshmitarët, cili është kredibiliteti i tyre, çfarë dëshmish kanë ata, por nuk ka marrë informacione as për dëshmitarët e mbrojtur. Ai ka theksuar më tutje se avokatët nuk janë pajisur me materiale të cilat i kanë të nevojshme për përgatitjen e mbrojtjes e mos dhënia me kohë e këtyre materialeve do të bëjë që të stërzgjatet procesi gjyqësor kundër ish drejtuesve të UÇL-së që po mbahen në paraburgim në Hagë. “Gjithë kjo procedurë e stërzgjatur është krejtësisht në dëm të pjesëtarëve të UÇK-së që gjenden atje dhe është duke dëmtuat edhe vet mbrojtjen e tyre. Edhe Gjykata edhe Prokuroria kanë qenë gati të relaksuar dhe nuk i kanë dhënë mundësi të duhur mbrojtjes që të përgatitet”, ka theksuar avokati, Tomë Gashi. Edhe eksperti, Gëzim Shala nga Instituti Kosovës për Drejtësi ka theksuar se qasja e Prokurorisë së Gjykatës Speciale kundër të akuzuarve që po mbahen në paraburgim është joserioze. Ai ka theksuar më tutje se mosdorëzimi me kohë i dosjeve për mbrojtjen është qasje armiqësore e prokurorit në raport të akuzuarit, e kjo nuk do të duhej të ndodhte, ka shtuar më tutje eksperti, Gëzim Shala.
