Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës i ka listuar 20 masa, të cilave ua ka dhënë epitetin e prioriteteve në Programin për Reforma në Ekonomi që mbulojnë periudhën 2019-2021. Me to, ekzekutivi synon t’i heqë pengesat kryesore për rritje ekonomike dhe konkurrueshmëri, Programi akoma është draft dhe pritet të vihet për votim në Qeveri brenda këtij muaji. Shumë nga pengesat e rritjes ekonomike vazhdojnë të mbeten të njëjta. Tek pjesa që i referohet mjedisit të të bërit biznes, është theksuar se adresimi i pengesave në marrjen e energjisë elektrike dhe trajtimi i lejeve të ndërtimit janë imperativ për ndërtimin e një mjedisi më të favorshëm afarist. Ndërkaq, si pengesë e madhe dhe e rëndësishme është parë ekonomia joformale. Vlera e taksave të pambledhura vlerësohet në 107 milionë euro ose 1.8% e Bruto Produktit Vendor.
