Qeveria mirëpret raportin e Komisionit Evropian

18/12/2015 Lajmet

Qeveria
e Kosovës ka përshëndetur raportin e Komisionit Evropian për liberalizimin e
vizave. Në njoftimin e shpërndarë për mediet thuhet se “Qeveria e Republikës së Kosovës e mirëpret qartësimin se ky është raporti
i fundit në procesin e liberalizimit të vizave për Kosovën dhe e sheh si
inkurajues faktin që raporti nënvizon përkushtimin tonë për të përmbushur
udhërrëfyesin”. Më tej, Qeveria shpreh përkushtimin që në ditët dhe javët në
vijim të konsolidohen pikëpamjet me Komisionin Evropian rreth kushteve të
nënvizuara.