Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të pakënaqur me Qeverinë e vendit, mbrëmë në Bukuresht ka filluar protesta e diasporës ndaj keqqeverisjes së vendit. Protesta është përshkallëzuar në momentin kur masa protestuese ka bërë përpjekje për ta çarë kordonin e policisë që ishte vendosur rreth e përqark objekteve qeveritare. Kjo ka bërë që të lëndohen dhjetëra protestues dhe policë. Shërbimi për situata të jashtëzakonshme ka njoftuar se nga dhuna reciproke, 9 policë dhe 56 protestues janë dërguar për tretman në spital. Numri i të lënduarve njoftohet të jetë mbi 400. Shumë protestues janë arrestuar ndërkohë që policia ka përdorur gazë lotsjellës dhe topin e ujin për të shpërndarë masën protestuese. Presidenti i Rumanisë, Klaus Iohannis ,ka dënuar “intervenimin brutal të Policisë”, të cilën e ka quajtur jo proporcionale me protestuesit. Protesta është bërë kundër Qeverisë dhe është kërkuar rrëzimi i saj dhe mbajtja e zgjedhjeve të parakohshme. Protestuesit kanë thënë se për shkak të Qeverisëjes ata janë detyruar të largohen nga atdheu i tyre dhe të migrojnë nëpër vende tjera në kërkim të kushteve më të mira për jetë.
