Rama

Rama: Meta, kandidat i natyrshëm për Kryetar të Shqipërisë

Partia Socialiste, mbështet kandidaturën e Ilir Metës për kryetar të ardhshëm të Shqipërisë. Lideri i PS-së, Edi Rama, ka thënë se situata e tillë që është krijuar rreth zgjedhjes së kreut të vendit kërkohet që Meta të jetë kryetar. “Zgjidhja e enigmës së presidentit nuk e zgjidh krizën politike, por të paktën besohet se ka qartësuar qëndrimin e Lëvizjes Socialiste për Integrim për të marrë pjesë në zgjedhjet e 18 qershorit, tashmë jo në një koalicion me Partinë Socialiste”, ka thënë Rama. Ai ka theksuar se kandidatura e Metës do të ishte një zgjidhje ideale edhe për PD-në. “Sot unë jam shumë i qetë përpara shqiptarëve, sepse realisht president më me PD-në, por jo i PD-së, sesa Ilir Meta ne nuk mund të gjenim dot as në PD. Kështu që nga kjo pikëpamje është një president që me siguri mund të kompensojë boshllëkun e madh që kemi parë deri më tani. Është një president që realisht është i lidhur me të gjithë, ka qasje te të gjithë, flet me të gjithë, u thotë të gjithëve çfarë mendon. Këtë punë do të bëjë edhe si president. Një zgjidhje ideale edhe për PD-në, pavarësisht se mund të dalë e të thotë çfarë të dojë tani. Ilir Meta është i prerë për të qenë me të gjithë dhe me asnjë”, ka deklaruar Rama, raporton “Top Channel”.

 

Kontrolloni gjithashtu

Shaip Kamberi

Shaip Kamberi nuk ka arritur të fitojë mandatin e deputetit në Kuvendin e Serbisë pas rivotimit që u bë në Tërnoc

Koalicioni i Shqiptarëve të Luginës ka marrë vetëm 598 vota, ndërkaq Kamberit i duheshin së …