Rama: Do të bëjmë reformën e ndarjes të partive nga shteti

Rama: Do të bëjmë reformën e ndarjes të partive nga shteti

Kryeministri Edi Rama deklaroi premten se Partia Socialiste do të realizojë reformën e ndarjes përfundimtare të partive nga shteti, pasi partitë nuk mund ta ndajnë shtetin në parcela dhe të cenojnë interesat e njerëzve të zakonshëm. Rama vijoi pasditen e sotme fushatën elektorale me një takim me gratë dhe vajzat e Viroit në Gjirokastër. Ai deklaroi se shumë reforma nuk do të ishin bërë po të mos kishim koalicionin që kemi sot, por përveç reformës në drejtësi është shumë e rëndësishme edhe reforma e ndarjes përfundimtare të partive nga shteti. Për ta bërë këtë, vijoi kryeministri, na duhet që ne të kemi timonin e drejtimit dhe jo të mbajmë në prehër të tjerë, që duan edhe një dorë në timon, me kërcënimin se mund të ndalojnë atje, në atë kthesë. “Kjo nuk është çështje njerëzish, është edhe sistemi. Ne duhet ta ndryshojmë sistemin e administratës shtetërore, ku të gjithë shqiptarët të hyjnë e të dalin pa pasur nevojën të jenë me këtë apo atë parti”, shtoi Rama.

Kontrolloni gjithashtu

Shaip Kamberi

Shaip Kamberi nuk ka arritur të fitojë mandatin e deputetit në Kuvendin e Serbisë pas rivotimit që u bë në Tërnoc

Koalicioni i Shqiptarëve të Luginës ka marrë vetëm 598 vota, ndërkaq Kamberit i duheshin së …