Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Drenasit, Ramiz Lladrovci, ka vlerësuar lart angazhimin dhe përkushtimin e strukturave partiake të Partisë Demokratike të Kosovës në këtë komunë, duke i cilësuar rezultatet zgjedhore si dëshmi të mbështetjes së vazhdueshme qytetare për PDK-në. Përmes një postimi në rrjetin social Facebook, Lladrovci ka falënderuar shtabet zgjedhore për, siç u shpreh ai, tri fitoret e arritura në Drenas gjatë vitit 2025, përkatësisht në zgjedhjet e 9 shkurtit, 12 tetorit dhe 28 dhjetorit. Sipas tij, këto rezultate reflektojnë besimin e qytetarëve ndaj vizionit politik dhe qeverisjes së PDK-së në këtë komunë. “Falënderoj shtabet zgjedhore të tri fitoreve në Drenas gjatë vitit 2025, të zgjedhjeve më 9 shkurt, më 12 tetor dhe më 28 dhjetor. Drenasi mbetet bastion i pathyeshëm i PDK-së”, ka shkruar Lladrovci. Ai theksoi se angazhimi i aktivistëve, strukturave partiake dhe mbështetja e vazhdueshme e qytetarëve kanë qenë faktorë kyç në ruajtjen e këtij rezultati, duke nënvizuar se PDK-ja do të vazhdojë të punojë për zhvillimin e komunës dhe për përmbushjen e premtimeve ndaj qytetarëve të Drenasit.
