Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka deklaruar se Lëvizja Vetëvendosje mund ta zhbllokojë procesin e konstituimit të Kuvendit, pas dështimit të Albulena Haxhiut dhe Donika Gërvallës për t’u zgjedhur kryetare të Kuvendit në seancën e parë pas aktgjykimit të Gjykatës Kushtetuese. Sipas Haradinajt, Vetëvendosje i ka votat për ta zgjedhur kryetarin e Kuvendit, me mbështetjen që mund të vijë nga AAK-ja. Ai ka theksuar se rreth 20 deputetë të VV-së do ta kishin votën e AAK-së për kryeparlamentar, duke nënvizuar se kjo nuk vlen për krijimin e Qeverisë. “VV-ja i ka votat për kryetar Kuvendi. Sepse ne që kemi 5 vota të sigurta, plus ndonjë tjetër, sot do të votonim, ndoshta për 20 prej kandidaturave të VV-së. Pra, i ka votat. VV-ja nuk i ka votat për qeveri, sepse për qeveri nuk votojmë, për Kurtin III jo”, u shpreh Haradinaj. Ai shtoi se Kurti dëshiron të shkojë në zgjedhje, pa e pasur të qartë nëse i ka apo jo votat për ta formuar qeverinë. Në përfundim, Haradinaj u shpreh i prerë: “Kurti e ka votën për kryetar Kuvendi kur të dojë, nesër.”
